 | |
kiworo: Latin man tye ka myelobwola |
Ray Olweny
RDC me Pader distrik, Sylvester Opira otyeko kok bot lupwonye ma i Pader me jalo cawa gi pi pwonyo tekwaro me myel ki tedo pa Acholi i cukul.
Opira macok coki onongo tye ka lok i Adilang ka owaci pire tek mada pi lupwonye me cako pwonyo tekwaro mapat pat bot lutino ki i cukul pien lweny pa LRA me mwaka 18 kulu ni oweko lutino tye ka dongo ata labongo ngeyo tekwaro mapat pat.
En owaci opici ma mere bino miyo pwoc bot cukul ma ki niang ni dong gucako pwonyo tekwaro bot lutino kwan ma i cukul gi.
En opako lupwonye me Adilang ni guloke pi pwonyo lutino ki diro me myelo bwola ma mwonya.
Kitungcel Patrick Otim coyo ki Kitgum ni lutino kaka Acholi ducu ma ikom kare ni cwiny gi tye ma opong pi ngeyo myel me tekwaro ma meg gi kun bene gi pwonyo myel magi ki mit kom.
Inge mwaki mapol angec lodito onongo pe gubedo ki kare me pwonyo lotino ma ki nywalo gi ikare me kukukuku me kumalo me Uganda ni ki myel tekwaro.
Man omiyo lotino ka guneno myel ki bot lodito ikare me yub mogo ma obedo ka time miti mako gi tutwal pi ngeyo myel meno nio ka lupwonye ocako miyo pwony bot lotino iter yub me wer ki myel ma tye igangi pwonye me puramari.
Published on: Wednesday, 13th April, 2005
| 
