|
Ogwang Adar pi NRM
Richard Odyang
PATI me NRM otyeko dong moko Patrick Ogwang Adaa me cung pi bedo MP me Oyam South kun leo ka wang lyeli MP Okullo Epak.
Pati obin dong omoko Ogwang Adaa abongo ngatoro ipyem kede acalo gin otito ni cik me NRM oyero dano, myero tyek mwaka abic eka dok ote keto yera okene.
Yera man obedo Kamdini i 24.52.007. Wonkom pi NRM me Oyam, Ben Ogwang Ocoo en aye onwongo tye atelo yera man.
Jo ame onwongo onyuto miti gi me pyem kede Ogwang Adaa onwongo tye Ruth Adupa, Jackson Ojok kede Francis Okello Olwa ento gin dong ote jalo.
Francis Okello Olwa obin ocung acililic pi wot i kanycil me Oyam kun cungi jo Aber.
Okello otiti otedero ni en pe ecwako NRM ento emito ni NRM aye tel Oyam. gin otela me Oyam bed NRM keken pien Oyam pwod tidi pe mito telo tol.
Wonkom LC 5 me Oyam distrik, Charles Okello Engola en aye obin ocime me bwoyo wi wegikome ducu ame bino konyo Ogwang Adaa kwayo kwir.
Published on: Wednesday, 30th May, 2007
|
