 |
|
OWOTO DWONE: Obua |
Acoc me Rupiny
OTELA me UPC ame tye abito kwir pi Ishaa Otto Amiza okok ikom polici me Oyam ni otemo balo kwir gi i Acimi ame tye Minakulu iceng Okiko.
Benson Obua Ogwal MP me Moroto otito ni polici otuno ika bito kwir gi Acimi kede cipid agwa ote pyepyea piny te miyo jo ame tye awinyo kop bedo kede lworo kun otino te cako ngwec oko.
Alo yera me Oyam, Beine Robert otito ni gin onwongo ripot ibot acungu Ruth Atala Adupa ni jo Otto Ishaa tye abalo bito kwir gi.
Beine otito ni ikare ame gin onwongo ripot man, polici te wot me neno ka lok man tye ateni ento pe engeo kit ame polici otuno kede kuno.
MP Obua okobo ni gin pe onwongo otye obalo bito kwir angatoro pien pe tye acungo moro ame onwongo purugram me bito kwirere tye kuno.
Amako adot apol ame tye apelo ikom UPC pi aranyi, Obua okwero oko kun kobo ni man puropaganda Angiro Gutomoi.
Ento awobi acel me Agulurude i Loro, Oyite Tony, 31 onyuti Rupiny ret ame jo UPC oketo ikome iwor me ceng cabit. En okobo ni jo ame Ebong Opeto en owoto kedgi kede otoka UAD 873T. MP Angiro dang okok ikom Ebong aceli.
Wonkom me dul alo yera, Eng. Dr. Badru Kiggundu oco waraga alubere kede ripot me tim aranyi ame obedo nwongo kun kop me awano dang tye iye, jo ame tye abalo yera obino tero gi ite cik.
Beine otito ni polici dong tye abebea ipiny ducu.
Published on: Wednesday, 20th June, 2007
|
