|
H. Olwa & P. Ogile
OTYEKO mokere kan aler ni cipika me Lira, Nelson Adea bino cung acilalic me leyo ka wang Epak iyonge kong lanyo yera me puramari pi UPC aworo maca.
Adea omoko kun beo icim ni en otito ni pe enwongo nyinge i Uganda House Kampala omio etamo ni ecung acilalic. Adea omoko tamere icokere ame obedo i Crested Towers Kampala.
Imat Cecila Ogwal, ame otelo cokere man otiti ni lyeli Okulo Epak obin ocung kede manifesto me acilalic dong ka ngat ame amito cobo ticere myero dang cung acilalic.
En omoko ni UPC kong oyee me note kedgi ento dok oloko tam gi oko ame omio Adea myero cung acilalic pi leyo komaca.
En omede ni Ben Waca kede Betty Amongi me rabo pi cungo acilalic me leyo kaka wang Lyeli Epark kun otela me Party me UPC ame tye iye Partick Mwenda, Chris Opoka medo kede Jimmy Akena dang obin oye aber ni mano gin ibino bedo iyera eka ote yero dano acel pi wot leyo kakwang Epak medo kede cobo tic ame nwongo rik en atiyo.
Itungcel kono Nelson adea dang obin omoko ngo ame otimere ni kun kobo ni wotere iyera me Pimiri onwongo pe dang imoko yu tamere me dok iparty pien ite yuba me timo kica nyinge onwongo dang e iye dong omyero kong ilub cikere adit Epak pi cobo cikere mere pi dongo Oyam South.
En obin ogiko lokere kun kwao Langi ducu me yubere ka me cwale pi wot cobo cikere Epak kun icung ite party me Acilalic dang dok te kobo ni kadi bed nimano onwongo icung ite party me UPC ento inwongo awotere Iss Otoo Ogamo balo oko iUganda House me Cung, man kono obin omio cunye otur dang atek
Cokere man kono onwongo tye iye Mp Angiro Gutomoi, Cicila Ogwal Rebbeca Otengo Ojok B’leo medo kede alok pi party me UPC MIcheal Ogwal Achonga ame okobo ni Adea Okok ni odie adia adea kono okwero oko.
Uganda Peoples Congress (UPC) otyeko kwayo Isa Oto me oonyo tong piny wek Adea Nelson aye cung pi leyo wang Yefusa Okullo Epak ipaliamen.
Otyeko dang lwongo Adea i Uganda House pi wot gamo lao kede nwongo tam ame UPC tye kede me neno ni otero kabedo man ame rik tye icing acilalic.
Otoo kono onwongo tye arigo tunge kede Nelson Adea pi cung iyi Oyam South ento UPC dong ocike ni myero en cwak ngat ame kwir oyero.
Aran adwong me UPC, Chris Okumu otito i 23.5.2007 i Radio Unity ni Isa Otoo obin onwongo kwo ayot iyonge lwaki ocungu ame onwongo tye kede mita pi dolo tyen long gi ijalo jami ducu pi dano gi me pati.
“Gin aber dang ojale.kit ame dong wan onwongo twon wa oko iyonge yera me tedero omito ture wek nywerenywere bed pe”Okumu otito.
Kabedo acungu pi Oyam South i Paliamen obin oding nono iyonge to a Dr.Okullo Epak inino dwe 25.4.2007 i dakatal adwong me lobo South Afrika.Alubere kede kop adakatal en obin oto kede two kanca me iwuku.
Okumu otito ni pati me UPC en ame tye kede anyim aber pi kelo tela aber I Oyam distrik pien jami ducu ame yam dong lyeli Okullo Epak onwongo ocako obedo pi tute otela me pati me cap acing.
En otito ni acungu ite UPC Nelson Adeo dong nwongo tye acalo two name rik lyeli Epak tye agwoko kun pwonye pi leyo tela me Oyam south.
Published on: Wednesday, 30th May, 2007
|
