|
Bill Oketch
DONGO bun obin obwot tugere i opici me UPC i Lira icabit okato ni pi laro nga amyero pati man cwal me wot makere kede Preciden Museveni iyera me 2011.
Cimo wang kede ayet otugere iyonge apwony dini moro me Amach anyinge pe onwongere ipelo kede atako wang pyere i opici a MP me Lira Municipality (Akena) kobo ni ‘cuny acil’ obin oloko kede kun tite ni jo cwak ka Olara Otunnu ka UPC amito dok iloc.”
Koko tye ikom otela mogo me UPC ni gin aye otye okelo rucurucu icungu Olara kede Akena kun omito cupu otedero ikom ateka acel.
Pe i Lira keken aye ayet, tiyo kom kede godo tyen tye iye, ento i Uganda alutu kan ame lwit UPC tye ogure iye. Wilkinson Okae okobo ni Olara Otunu pe kede cwak ikin calo ka iporo kede cwak Akena, en dang okobo ni akadi bed jo tye arabere ni Akena tye awilo kwir ento en engeo aber ni cente Akena pe romo wilo kwir.
Jo ame tye ikema Olara rabere ni twon gi keken aye ngeye iwilobo dang dok tye ingec olagaro ame romo telo pati kede lobo Uganda.
Atic acel me Uganda House okobo ni wiby me propaganda tye acamo UPC momot.
Published on: Wednesday, 3rd February, 2010
|
