 |
|
Lyeli Okullo Epak |
Ococ me Rupiny
APERU kom lyel a MP acon me Oyam imalo, Yefusa Okullo Epak obutu ibur nino apol, owibye ocako mwomere oko me laro kom man kun mogo ocato nying gi oko iwi lyel bot okumu, kop a Lango ni, “Teso bar lubu dilo”.
Rupiny okeboro ni jo 12 dong onyutu miti gi oko me wot leyo tyen Epak ame rik pe rete ni. Nguru tye awinyere ni jo ot Epak tye amito ni wode gam tongere. Imat Cecilia Ogwal MP a mon me Dokolo okobo ni kop me leyo wang Epak myero weki jo paco me tyeko.
Man moko tam gi me keto wot Okullo Epak me leyo kakare. Minista me lobo, Omara Atubo okobo iwi lyel ni myero otino odong mony ducu dwog oko paco wel Langi mi gi kwogo.
Obin oyiko kom lyeli Dr Yefusa Okullo Epak ipaco mere atye Aboloneno, iLoro Oyam distrik. Epak ame obin ocung acilalic iyonge weko pati me UPC obin oto idakatal Neulege ame tye ilobo South Africa dok lok owinyere ni pati me UPC, omuvi kede acilalic tye atere me keto dano gi.
“Jo aromo 12 otyeko nyutu tam gi pi leyo wang Dr Epak,” wonkom LC3 me Aber Tom Arac otyeko otucu Ikin jo ame nying gi okato tye iye Nelson Adea ame obedo ador kanycil me Lira distrik, Issa Otto ame obin ocung ite pati me UPC ikare me yera abulu, kede Francis Okello Olwa, aran pi pwonyere kede yotkom i Oyam.
Jo okene tye Dr. Ebuk kede Ogwang Adar arik Epak ret ite muvmen dang onyutu miti mere me dok. Gin ducu pe otye oye ni ket nying gi ni man pwod kare me cola.Nying jo okene Rupiny bino kato kede icabit abino.
Ikweda ame Rupiny okeboro ibot wati Oyite Ojok tye ni otye abito wode me dwogo cung.
Wonkom me Lira, Franco Ojur obin ocako bito kwir pi cipika mere Nelson Adea iyore abor. Ojur obin otiti lwak ni ikare agin olimo Epak I South Africa en obin omoto cing Adea eka te ling iye iloki onwongo tamere tye me kobo ginoro. I bot Ojur ling Epak icing Adea nyutu ginoro.
ikano kom lyeli MP me Oyam South Dr Yefusa Okullo Epak ipaco mere atye i Aboloneno i Loro Oyam distrik, Acoc
me Rupiny coo.
Epak obin oto i 25.4.2007 I dakatal Neulege atye ilobo South Africa kede two euku iyonge gami kunu idwe acel okato angec. Cipika me Parliamen Edward Ssekandi Kiwanuka en ame obin obedo atela wii okumu ducu kun Kabakumba Masiko ame obedo chief whip cung akawang gamente.
Kiwanuka obin otito ni lyeli Dr Epak obedo dano aryek odok otio jami apol ame wii jo pe bino wil iye.
“Epak onwongo obedo dano aryek, ateka dok ticere ikare ame obedo wonkom me Public Account Committee obedo acil abongo baloro,” Kiwanuka otito ikare am e tye alok kede okumu.
Published on: Tuesday, 8th May, 2007
|
